سامي المدلشي
07-09-2008, 09:57 PM
بسم الله الرحمن الرحيم
السلام عليكم ورحمة الله وبركاته
هذه محاورة بين الشاعرين عوض الله ابو مشعاب وحبيب العازمي
حبيب العازمي
ياسلام الله بقانون العرب والا بغيره=المهم ان الضيوف تمر وترد السلامي
وانت ياراع الحزام اللي معبا بالذخيرة=ماتصيبك رمية من عندنا من غير رامي
ابو مشعاب
مرحبا ترحيب بالقانون واللي غير اديره=المهم انك ليا سلمت عليك السلامي
وانت ياشيخ الشيوخ اللي مقلط للعشيره=مايصير انك تهاجمني بشي من حزامي
حبيب العازمي
العباه اللي عليك الاوله والا الاخيره=انت ياللي تعرف القانون غيرت النظامي
جابك الله ياعوض الله للرحاه المستديرة=الرحاة اللي تطش الدم وادق العضامي
ابو مشعاب
العصاه اللي عليكم من يدي ماهي صغيره=ثابته من عصر ابوك وعصر جدك للرحامي
انت رجال تحص الدرب مانت اعمى بصيره=وانشد شيوخك عتيبه وانشد الشيخ الزلامي
حبيب العازمي
افهموها واحفضوها واعلنوها في الجزيرة=ما بغينا من سليم الا كبيرين الاسامي
راعي المشعاب للاصحاب لايشعب بعيره=مابقي الا الميسم اللي في لهيب النار حامي
ابو مشعاب
والله انا يا حبيب بيننا رفقه وجيره=والبلا لن عودت ما بيننا شب ولحامي
مادريت انا سليم وننطح القوم السعيره=كل خشم به عرامي يتوب من فرك العرامي
حبيب العازمي
في المواريد الطويله والمواريد القصيره=صاحبك يشرب بذرعانه ويروي كل ضامي
صاحوا السلمان واثر الذيب في وسط الحضيره=قالوا اقدم ياعوض الله قال انا مدري علامي
ابو مشعاب
كلكم ياصحابنا قوم المواقيف الخطيره=قالوا اقدم ياحبيب قال توجعني عضامي
وسلامتكم
السلام عليكم ورحمة الله وبركاته
هذه محاورة بين الشاعرين عوض الله ابو مشعاب وحبيب العازمي
حبيب العازمي
ياسلام الله بقانون العرب والا بغيره=المهم ان الضيوف تمر وترد السلامي
وانت ياراع الحزام اللي معبا بالذخيرة=ماتصيبك رمية من عندنا من غير رامي
ابو مشعاب
مرحبا ترحيب بالقانون واللي غير اديره=المهم انك ليا سلمت عليك السلامي
وانت ياشيخ الشيوخ اللي مقلط للعشيره=مايصير انك تهاجمني بشي من حزامي
حبيب العازمي
العباه اللي عليك الاوله والا الاخيره=انت ياللي تعرف القانون غيرت النظامي
جابك الله ياعوض الله للرحاه المستديرة=الرحاة اللي تطش الدم وادق العضامي
ابو مشعاب
العصاه اللي عليكم من يدي ماهي صغيره=ثابته من عصر ابوك وعصر جدك للرحامي
انت رجال تحص الدرب مانت اعمى بصيره=وانشد شيوخك عتيبه وانشد الشيخ الزلامي
حبيب العازمي
افهموها واحفضوها واعلنوها في الجزيرة=ما بغينا من سليم الا كبيرين الاسامي
راعي المشعاب للاصحاب لايشعب بعيره=مابقي الا الميسم اللي في لهيب النار حامي
ابو مشعاب
والله انا يا حبيب بيننا رفقه وجيره=والبلا لن عودت ما بيننا شب ولحامي
مادريت انا سليم وننطح القوم السعيره=كل خشم به عرامي يتوب من فرك العرامي
حبيب العازمي
في المواريد الطويله والمواريد القصيره=صاحبك يشرب بذرعانه ويروي كل ضامي
صاحوا السلمان واثر الذيب في وسط الحضيره=قالوا اقدم ياعوض الله قال انا مدري علامي
ابو مشعاب
كلكم ياصحابنا قوم المواقيف الخطيره=قالوا اقدم ياحبيب قال توجعني عضامي
وسلامتكم