حداية كايفه وبدل وافي ولغز مرتب وحل تمام

[خالد الصليمي]

السلام عليكم ورحمة الله وبركاته
حياكم الله ياأخوان ويسرني ان انقل لكم هذه الحدايه والبدل وفالكم التوفيق

حدايه الشاعر صالح بن رويجح المطرفي الهذلي عند الكتور مبارك المعبدي الحربي

سلام في سابع ليال العيد سار الركب سار
من حضرت الهذلان حشمه حرب في كل الديار
معايدين اصحابنا والمعرفه طيب ووقار
مبروك ياماهر ويادكتور ومن العايدين

الله يبارك في حكومتنا طويلين العمار
ال السعود اللي حموها من يمين ومن يسار
ماعاد تلقى في بلدنا غير اخو مخلص وجار
طيبه وهبه ريح بسبول العرب متواصلين

انشدك عن عذراء لها ورعين مافيهم خيار
ورعين محترمين واشكل مايجون مع النهار
بين الثنين اثنين وتعيش الصغار مع الكبار
مير الصغير تجيبه امه قبل الاكبر يامعين


بدل الحروب


يامرحبا بضيوفنا الهذلان حنا في انتظار
الله يحيكم على التكميل فالبيت العمار
هاذي سواير بيننا ومكرره عده مرار
الله يبارك بالجميع وبالجوايز فايزين

الله يقبل دعوتك ويثبت اصحاب القرار
حكم العداله زين مابين العرب سر وجهار
هاذي حقيقه واضحه والكل في نفس المسار
واللي تمده باليمين يجيك منا باليمين

حنا عرفنا حلها ومعبرينه باعتبار
هاذي السنه واعيادها والعيد للمسلم شعار
مابينها شهرين معدوده عددها باختصار
يامنهو اللي يجهل الاعياد عيد المسلمين


أحبكم في الله

[فانك المريني]

ماشاء الله


سلمت ياخالد اخوي على الحداية الجميلة


وصالح بن رويجح شاعر معروف بهذا النوع من شعر الحدايا

بيض الله وجهك على النقل المتميز ولاهانو باقي الاخوان

اخوكم ومحبكم / فانك المـــــــــــريني

[رائد العالي]

بيض الله وجهك يابو محمد

الحدايا طيبه البدل طيب واللغز اعجبني بالحيل

[محـمد بن مـوسم]

بيض الله وجهك يا ابو محمد

وبن رويجح شاعر علم والجميع يشهد له في الحدايا

ورد الحروب صراحة كايف ومميز

تقبل تحياتي

[اسامه عويض البقيلي]

سلمت ياخالد على الحداية الجميلة

بيض الله وجهك يا ابو محمد

تقبل تحياتي

[سيف الحرف]

مبببببببببببببببببببببببببببببببدع ياخالد
نحبك فالله