عبدالله المسعودي - جارالله السواط

[خالد الصليمي]

حياكم الله ياأخوان يسعدني أن أنقل لكم هذه المحاوره بين الشاعر عبدالله المسعودي رحمه الله والشاعر جارالله السواط الله يعافيه أمل ان تنال اعجابكم

( المسعودي )


هلا مرحبا ترحيبة مثل الاسلاك = يقلط بها الخاطر ويشرح ضميره

وياكم من راس يكيف بتنباك = بلي و ابتلي ماعاد عنده بصيره

( السواط )


يدوم البقاء ياللي جزيله عطاياك = لكن انتبه للقمبله والذخيره

سنون الجمل من قوها تقضم الراك = يشيب الولد لو ابدي الك السريره

( المسعودي )


ولا ياجمل ياللي تحرك تحراك = سمعنا رغاه ولا سمعنا هديره

تغسل بصابونه ومسوك بمسواك = تهون المسايل والكبيره صغيره

( السواط )


جمل حر يرمي بالسهم ماتعداك = وكلآ بدا للناس شره وخيره

انا لو سمعت العلم من ذا وهذاك = يشد القطير اللي مصادف قطيره
( المسعودي )


بعد ما رميت السيف من كف يمناك= مايمديك تصطاد الخصوم بجفيره

ياليتك تلقيها جلاميد علباك = وتقنع من المولد بحبة شعيره
( السواط )


معي سيف ابو حدين والوقت وراك = لياليك و ايامك تراها خطيره

ولا يا بديوي لم ضانك ومعزاك= وجودك على طعم اللبن والمضيره

( المسعودي )


انا اقول لو سيفك يعشيك عشاك = ماتمرح جياع الا الجيوب الفقيره

انا ارعى الغنم مير انت من عاد يرعاك = ليا جتك عمسات الليالي مغيره

( السواط )


لك الله مابدي سري مثلك وشرواك = ابا استرك لك رب يحب الستيره

لابضحك من اضحوكك ولا ابكي من ابكاك = دموعك على خدك وثوبك نثيره

( المسعودي )


متى ينوكل زادك متى ينشرب ماك = مادامت فراشك فوق شوك الحظيره

لا باخذ من الهندي ولا قلت له هاك = مقلط يدياته لجرة بعيره

( السواط )


اشبعك من زادي ولي عدآ ارواك = وعيدي صلاة الصبح ابا دق زيره

كلامآ سواة الحبر يكتب فالابواك= الا شرم نفخ لكن ماشب نيره
( المسعودي )


انا عارفآ سقمك وانا عارف ادواك = وكلآ يعرف ابا الحصين وخشيره

تحدا المصايب و المصايب تحداك = وربي رزقك بواحدآ تستشيره

لكم اجمل تحيه وفائق الاحترام
أحبكم في الله