عبدالله حامد المطرفي وحبيب العازمي

[خالد الصليمي]

حياكم الله يا أخوان ويسرني أن أنقل لكم هذه المحاوره بين الشاعر عبد الله المطرفي وحبيب العازمي وجرت المحاوره في مكه المكرمه

حبيب العزمي


انا لي صاحب(ن) غايب وكم دورت له مالقاه=لكن اليوم حصلته وشاهدته علـى الشاشـه
من اول كل ماطب المدينه يشتـري مقضـاه=وذلحينه على رمل الصحاري يبسط فراشـه

عبدالله المطرفي



لك الله ياحبيب لك صحيب وصاحبك تنساه=وانا ماني مدور ناس عجلانه ومنحاشـه
بعير القوم اكل شوك الكداده وانتفخ علباه=يدور شي مير الشـي لاجابـه ولاناشـه


حبيب العازمي



انا مانسى صحيبي لين اشوف الارض ماتبغاه=على فين وكلامك زين رايح ويـن ياباشـه
ياعبدالله هداك الله وقـدم مصحفـك واقـراه=انا والله ماغشك مير غيري نـاس غشاشـه


عبدالله المطرفي


انا شايف حبيب شايل الرشاش في يمنـاه=وجاه المدفع اللي فجر حبيـب ورشاشـه
انا ماشفت عند اللي تقوله غير عنز وشاه=ويرعاها مع الحضران والحضران حشاشه


حبيب العازمي


رميت المعترض والمنقرض يوم استوى مرماه =لكن المطرفي لايشفـط الكهـرب مـن افياشـه
يقولون الخواجه جا يبا يتجـر وبـاع حـذاه=شراها حضرمي(ن) جدته في السوق فراشـه


عبدالله المطرفي



نصحك اللي يشيل الحب في كيسه وفي مخباه=يجي تحت الرحا لاجل الرحا للحب دشاشـه

تحياتي لكم جميعا يا أخوان
أحبكم في الله