عبدالله المسعودي - مستور العصيمي

[عبدالله الثقفي]

السلام عليكم ورحمة الله وبركاته

الـــــمــــــســــــعــــــودي
من وسيع المعرفه نستفيد * هرجةٍ فاضت مع الحنجـره
مفتكر في جابةٍ قلتها * يالعصيمـي صـح والا خطـا

شفت لي زول بدا من بعيد * مافسرته رجل والا مـره
قلت هذا الشخص قلتها * يالعصيمي صـح والا خطـا
الــــعــــصـــــيـــــمـــــي
اسمعوا يافاهمين النشيد * ذا خطا وارجوكـم المعـذره
اعتذر في جابةٍ قلتها * لجـل اقلـك صـح ولاخطـا

كل يوم فالعمر يوم عيد * يجلـب الافـراح والغنـدره
هرجةٍ في خاطري قلتها * ياهذيلـي صـح والا خطـا
الـــــمــــــســــــعــــــودي
يخلق الله يافتى مايريد * ذا خطـا وايامـك محـاوره
وانت خابر كيف صرفتها * والله اعلم صح والا خطـا

كل شي حافظينه بقيـد * بالقلـم والبـوك والمسطـره
ليت عيني ماتشوف اختها * ياعميلي صـح والا خطـا
الــــعــــصـــــيـــــمـــــي
صح لي عين نظرها بعيـد * دربهـا قـدام ومدبـره
ان عرض لي حاجةٍ شفتها * ياعميلي صح والا خطـا

لو نقلك كل ميت شهيد * حين مايصـل ليـا المقبـره
الحياه وزينها عفتها * ميـر قلـي صـح والا خطـا
الـــــمــــــســــــعــــــودي
الله اعلم بالشقي والسعيد * والخطـا فالطرقـه مسيـره
مانت واصل سدرة المنتهى * وانت قلي صح والا خطا

فصلوا للبوم ثوب جديد * والبسـوه عمامـه مشجـره
وامه اصغر من سن بنتها * وانت قلي صح والا خطـا
الــــعــــصـــــيـــــمـــــي
صح فيما قلت وان زدت ازيد * ولك يوم تشاهده قمطره
وان مشت رجليك وقفتها * صح فالاول والاخر خطـا

مستحيل يصير علمك وكيد* مير خل علومك محـاذره
ياعميل الخير كبرتها * كيف اقلك صح وهيـه خطـا