محاوره قديمه قبل أربعين عام

[خالد الصليمي]

السلام عليكم ورحمة الله وبركاته
الاخوه الكرام الاعضاء الزوار الاحبه يسرني أن أنقل لكم هذه المحاوره بين الشاعر عبدالله المسعودي والشاعر صياف الحربي رحمهم الله ورحم الله أموات المسلمين جميعا0
المسعودي

يامرحبا بالحاضرين الطيبين = وأكثر من الترحيب قيلة مرحبا
من مدلي يمناه أمد اله اليمين = من يوم أشوف الواجد أعرف وش يبا

صياف

ألك البقا ياصاحب القلب الذهين = واللي مزين مذهبك حلو النبا
مد اليمين وعندنا مد ثمين = أن تعرف وش يجيك مع الغبا
المسعودي

يامكرم الخطار دور للسمين = وأن هبت الازيب تهب الها الصبا
لن ثقلت الحمله علي الجنب المتين= اللي معقل لأونس المطرق حبا
صياف

أن كان عندك للكرم عقل رزين = تنظف عروق القلب من دم الوبا
ماني طبيب أحط للعميان عين = من لا ربا نفسه بنفسه ما ربا
المسعودي

أن كان جالست الكرم طول السنين = أن الجليس من الجليس مقربا
شفت المطر يمطر وثمر العود وين = طار الجراد وحل في العود الدبا

صياف

أتبع طواريق الرجال الاولين = قدام ناب الذيب يعلق فالضبا
ان كان ذاك العود قاسي مايلين = أما اشتهر سبع الخلا والا هبا
المسعودي

قلبي يعورني ولا أدنا كالمين = ألا يكود انه عليها يغصبا
ليه ضروس تطحن الحبه طحين = وافتح فمي جيعان وآكل وأشربا
صياف

اليا مرضت أدبل علاجك مرتين = والجسم لا يبست عروقه يتعبا
اليا كليت الحب لا تنسي العجين = محدن يعارض للبعير الاجربا
المسعودي

ما زاع قلب الذيب صوت أبا الحصين = هذي الحصاني من صياحه تطربا
أثر سعيد في عيون أمه زوين = من يوم صغره لين راسه شيبا
صياف

اليا غفلت ادخل بيوت الغافلين = تري الكلام اللي سمعت مصعبا
0000000000000000000=0000000000000000000

المسعودي

ما تأكل السكين غير أم القرين = واللي بدون ديوس ما فيها لبا
ياثلب ياللي لا هدير ولا حنين = تقبل وتقفي والحمول مصلبا
صياف

لعلها صيده لقوم سارحين = اهيه شبت والا ولدها اللي شبا
ماهو بنا اللي يعترض للغاشمين = من يوم شفت عني جنبا

المسعودي

شبيت نار الكيف فوق الدلتين = واسقيتك الفنجال من كفي جبا
صياف مثل الشمس بين الفيتين = مدري ولد منسوب والا من سبا

صياف

أرفع دلالك للرجال الغايبين = مالي بها عازه ومنها ما أقربا
مثل البحر ياصاحبي ترطن رطين = وأنا سلاحي بالزهاب مزهبا

تحياتي لكم جميعا
أحبكم في الله