مسعد البقيلي
17-12-2008, 03:23 AM
السلام عليكم ورحمة الله وبركاته
هذه قصيده وجهها لي صديق عزيز جمعتني به الخوة فالله وحب المقانيص والعلوم الغانمه وهو محمد بن عبدالله السهلي وارسلها لي عقب مقناص لنا يم الديرة
يقول
راع الولع يامتعب الحال بالصيد = وطرد الجوازي النادرات الشرايد
اللي مراتعها بروس السوانيد = النايفات مشمرخات السنايد
سود الجبال مثبتة جرهد البيد = اللي نصبها الله لأرضه وتايد
ويامن نقلتوا مسلباتٍ مجاريد = عن الخطا لاصُوبت للطرايد
بيض المقاضب في خشبها تجاعيد = اللي مضاربها فعولٍ وكايد
ماجنّست عيني عقب خامس العيد = حين التقيت بواسعين البنايد
اللي رغم شح الدهر عدها يزيد = غارت عدود القوم وهيه بزايد
لاد البقيلي من سليم الأماجيد = اهل الكرم واهل الطبوع الحمايد
من قبل اجيهم والقوافي بتبديد = متشتتٍ حرفي عن البال نايد
مال الشعر طاري ولافيه تجديد = عندي وانا عنّه بعيدٍ محايد
واليوم جدت بشعر زين التشاييد = متكاملٍ مبناه مابه نقايد
عوايدي لاطقت حيود في حيد = احضر بشعرٍ يشغلك بالنشايد
بسطّره في مدح شوق اتلع الجيد = الشاهر اللي بالطويلات رايد
حرٍ مجرّب في نهار التهاديد = مخلب عطَب لاقيل : ياابا العوايد
نهّاض نطّاح ولاهوب رعديد = قضّاض جرّاح صدوق الوعايد
اللي يبادر ضيفه بخير ترديد = ترحيبٍ اصدق من حقوق الرعايد
لاصرت ضيفه شفت للجود تسييد = ولايمكن انه يصبح الشح سايد
مايرتخي لاصار بالوقت تشديد = ولايشدّد لااصبحت بالرغايد
طبعه وياما احلا طبوع الأجاويد = ويالله عساهم للظفر والسدايد
هذاك ابوحاتم عساها بترميد = عين الحسود ..اللي نوا بالحسايد
للمنسب الطيب مواري وتحديد = حبل الرشا لاوثقوه بعقايد
وللمدح داع ينادبه بالتفاريد = مثل عسيفٍ رُوّضت لأمر قايد
ولطيبين الذكر بالذكر تخليد = تبقى حكاياهم سنينٍ مدايد
يقوله اللي من رجالٍ صناديد = قومٍ لها في نجد جزل العتايد
ميقافهم معروف من عهد ابوزيد = واضح..ولايحتاج ذكر الشهايد
وهذا الرد مني
جتني قصيده كنها جيت العيد = واصبحت ثم امسيت كني معايد
وهاضت هواجيسي وجات المراديد = والله موفقني لبني الردايد
قريتها مرة ومرات واعيد = من طيبها صرت أعتمدها عمايد
ومحددة خمسه وعشرين تحديد = والبيت منها في معانيه شايد
ويامرسلي لاترجع وتعكس السيد = حتى تصل قوم الوفا والعوايد
واقلط عليهم صبح وقت التغاريد = وبلغ تحياتي بطيب وركايد
تلقى محمد يشبه الصقر صنديد = ترتاح من لفظه وفالعرف رايد
نجد المنادي في زمان المناجيد = معصوم من شتم العرب والنقايد
يهبد على صدرة بكفه بتأكيد = وقت اللزوم اجموع والا فرايد
ومورد القالات للحق توريد= وكاسب مصادرها بفعل وعمايد
والبيض والرايات فاله بتعميد = اللي على الطالات تشوق البرايد
راع المكارم والسيوف المحاديد = ومسلبات ناعمات الخدايد
بعيدة المرمى تسر المشاهيد = صفر الخشيب ولاهقات الحدايد
مع برمها تسمع صريخ العباريد = نيران مشتبه ولا هي برايد
حتى توقع في كتوف العماريد = متفرع المنكب على القلب صايد
يانعم ثم ونعم مافيه تحديد = اقولها والخير والأمن سايد
يوم اللوازم صادرات ومواريد = ماحطله وقت اللوازم وسايد
محاسنه تملا صدور ومجاليد = وتفوق عن كل الوثاق الجدايد
هذا سند ربعه نهار البواريد = ربانها بالعز يصعد صعايد
آل السهول الصاملين الصواهيد = تاريخهم تاريخ قوم وقنايد
يوم المزايد والحبال المعاقيد = الأوله مكسب اليا حان المزايد
افعالهم مثل السهوم المراكيد = وقت المزايد للنفوس العنايد
وحنا سليم ونحمي القول ونزيد = ياما وياما كسبنا الفوايد
ومفقدين القول والشعر تفقيد = هذي حقايق ماوراها فقايد
خضنا المعارك والفتوحات تبديد = حتى انتها دور الجهل والعقايد
وسلامتكم جميع
هذه قصيده وجهها لي صديق عزيز جمعتني به الخوة فالله وحب المقانيص والعلوم الغانمه وهو محمد بن عبدالله السهلي وارسلها لي عقب مقناص لنا يم الديرة
يقول
راع الولع يامتعب الحال بالصيد = وطرد الجوازي النادرات الشرايد
اللي مراتعها بروس السوانيد = النايفات مشمرخات السنايد
سود الجبال مثبتة جرهد البيد = اللي نصبها الله لأرضه وتايد
ويامن نقلتوا مسلباتٍ مجاريد = عن الخطا لاصُوبت للطرايد
بيض المقاضب في خشبها تجاعيد = اللي مضاربها فعولٍ وكايد
ماجنّست عيني عقب خامس العيد = حين التقيت بواسعين البنايد
اللي رغم شح الدهر عدها يزيد = غارت عدود القوم وهيه بزايد
لاد البقيلي من سليم الأماجيد = اهل الكرم واهل الطبوع الحمايد
من قبل اجيهم والقوافي بتبديد = متشتتٍ حرفي عن البال نايد
مال الشعر طاري ولافيه تجديد = عندي وانا عنّه بعيدٍ محايد
واليوم جدت بشعر زين التشاييد = متكاملٍ مبناه مابه نقايد
عوايدي لاطقت حيود في حيد = احضر بشعرٍ يشغلك بالنشايد
بسطّره في مدح شوق اتلع الجيد = الشاهر اللي بالطويلات رايد
حرٍ مجرّب في نهار التهاديد = مخلب عطَب لاقيل : ياابا العوايد
نهّاض نطّاح ولاهوب رعديد = قضّاض جرّاح صدوق الوعايد
اللي يبادر ضيفه بخير ترديد = ترحيبٍ اصدق من حقوق الرعايد
لاصرت ضيفه شفت للجود تسييد = ولايمكن انه يصبح الشح سايد
مايرتخي لاصار بالوقت تشديد = ولايشدّد لااصبحت بالرغايد
طبعه وياما احلا طبوع الأجاويد = ويالله عساهم للظفر والسدايد
هذاك ابوحاتم عساها بترميد = عين الحسود ..اللي نوا بالحسايد
للمنسب الطيب مواري وتحديد = حبل الرشا لاوثقوه بعقايد
وللمدح داع ينادبه بالتفاريد = مثل عسيفٍ رُوّضت لأمر قايد
ولطيبين الذكر بالذكر تخليد = تبقى حكاياهم سنينٍ مدايد
يقوله اللي من رجالٍ صناديد = قومٍ لها في نجد جزل العتايد
ميقافهم معروف من عهد ابوزيد = واضح..ولايحتاج ذكر الشهايد
وهذا الرد مني
جتني قصيده كنها جيت العيد = واصبحت ثم امسيت كني معايد
وهاضت هواجيسي وجات المراديد = والله موفقني لبني الردايد
قريتها مرة ومرات واعيد = من طيبها صرت أعتمدها عمايد
ومحددة خمسه وعشرين تحديد = والبيت منها في معانيه شايد
ويامرسلي لاترجع وتعكس السيد = حتى تصل قوم الوفا والعوايد
واقلط عليهم صبح وقت التغاريد = وبلغ تحياتي بطيب وركايد
تلقى محمد يشبه الصقر صنديد = ترتاح من لفظه وفالعرف رايد
نجد المنادي في زمان المناجيد = معصوم من شتم العرب والنقايد
يهبد على صدرة بكفه بتأكيد = وقت اللزوم اجموع والا فرايد
ومورد القالات للحق توريد= وكاسب مصادرها بفعل وعمايد
والبيض والرايات فاله بتعميد = اللي على الطالات تشوق البرايد
راع المكارم والسيوف المحاديد = ومسلبات ناعمات الخدايد
بعيدة المرمى تسر المشاهيد = صفر الخشيب ولاهقات الحدايد
مع برمها تسمع صريخ العباريد = نيران مشتبه ولا هي برايد
حتى توقع في كتوف العماريد = متفرع المنكب على القلب صايد
يانعم ثم ونعم مافيه تحديد = اقولها والخير والأمن سايد
يوم اللوازم صادرات ومواريد = ماحطله وقت اللوازم وسايد
محاسنه تملا صدور ومجاليد = وتفوق عن كل الوثاق الجدايد
هذا سند ربعه نهار البواريد = ربانها بالعز يصعد صعايد
آل السهول الصاملين الصواهيد = تاريخهم تاريخ قوم وقنايد
يوم المزايد والحبال المعاقيد = الأوله مكسب اليا حان المزايد
افعالهم مثل السهوم المراكيد = وقت المزايد للنفوس العنايد
وحنا سليم ونحمي القول ونزيد = ياما وياما كسبنا الفوايد
ومفقدين القول والشعر تفقيد = هذي حقايق ماوراها فقايد
خضنا المعارك والفتوحات تبديد = حتى انتها دور الجهل والعقايد
وسلامتكم جميع