معيض العجي الحربي ومستور بن تركي العصيمي

[زيدالحربي]

بسم الله الرحمن الرحيم


معيض العجي الله يرحمه ومستور العصيمي حفظه الله وكانت هذه المحاوره في مدينة جده في حفل إبن الشاعرصياف السحيمي رحمه الله


مــــــعــــــيـــــــض :

في محل اهل الوفى والطيب ورجـال الكرامـه == مرحبا باللي حضر في حفلهم من كـل ديـره

ثم اهني من حضر عقب المغــــيبـه بالسلامـه == والعلوم مفســره يالله عسـى بالأمـر خيـره

مــــــســــــتـــــــور :

البقا ياشاعر يفرض علـى النـاس احتــــرامـه == العميل اللـي يخلـــــص فالكبيـره والصغيـره

احسب ان شعيل الأشقر ماع شحمه عن سنامه == له سنين طوال ما اسمع لا رغـاه ولا هديـره

مــــــعــــــيـــــــض :

صاحبك يعطي حقوق الناس ومكمـل نظامـه == يشتري ويبيـع ومجـود مضـــــــــــاميـن البريـرة

وانت ماتجهل شعيل يشيل مخه فـي عظامـه == محتسي ممشى المشاه ومحتسي ممشا المغيره

مــــــســــــتـــــــور :

يامعيض الوقت فيه مغالطـه مـدري عــــلامـه == حد سكـــــــــينـه علـى النـاس الغنيـه والفقيـره

نعرف الرجال من فعله ومن منطـق كــــــلامـه == لا تحــــــــــــط الاولـه ياصاحبـي جنـب الأخيـره

مــــــعــــــيـــــــض :

لا تلوم اللي يحط القفش الأحمــــــــر فـي حزامـه == وانت لك شي ظهر مانتـه بـداري بالسريـرة

بعض خلق الله تضيع ابه الروابع فـي منامـه == وان صحى بلشـــان بين الوارده واللـي صديـره

مــــــســــــتـــــــور :

البنادم مايحــــــــاسـب غيـر فـي يـوم القيامـه == يالله انـك لاتـــــــوريـنـا بعمـــــــــــيـان البصـيـره

............. بعـض الدعـاوي لا تلحـــقنـا ملامـه == لا توقفنـا علـى حــــــــــــيـد الرحـاه المستديـره

مــــــعــــــيـــــــض :

البنـادم مقتـــــــــــــفيـه حسـاب وحسـابٍ يمامـه == وانت برق ويش لون النار في جنـب الذخــيـره

مايجــــــيك اللوم وانته مادحمـت أهـل الرغامـه == ميـر دنيانـا تـــــــــــــدور وصـار للجـرة جريـرة

مــــــســــــتـــــــور :
لو لزمنا المـوس يمدينـا تعلـــــــــــمنـا الحجامـه == ان لزمناهـا خطيــــــــــرة وان تركناهـا خطيـرة



وسلامتكم