محمد العازمي
18-10-2008, 06:08 PM
هذه ابيات متواضعه من قديمي ارجو أن تنال القليل من اعجابكم
ياوقتنا اللي فيك كل العجايب=كل العجايب والمصايب معانيك
الله يكافينا جميع المصايب= وانه يكافينا قشرك وبلاويك
اليوم صار الشر بين القرايب= واقرب قريب ٍ لك طلع مايدانيك
نار النفاق اليوم شبت شبايب=اخوك وابن العم منها يعاديك
ياللي تسمع مهتوين النشايب= سمعك لهم وسط المشاكل يدهويك
أصبر على وقت الفتن والغرايب= واطلب من الله من هل الشر ينجيك
ياشينها لن عود الظن خايب= فصحيبك اللي فيه تكثر هقاويك
كم من شباب ٍ راسه اليوم شايب= من الظلايم جعل ربي يعافيك
راع الحكي معروف ماهوب تايب= اليوم يحكي لك وبكره حكى فيك
طبع المنافق فرصته فا الطلايب = هرجه يجيك بذوق تقول مغليك
يشذب عراقيبك ليا صرت غايب=وانته تحسب أنه رفيق ٍ مصافيك
اخذ النصيحه قبل حط النصايب= عش في حياتك صح وارفع مباديك
وصلاة ربي عد منشى السحايب= على نبي ٍ فكك الشرك تفكيك
ياوقتنا اللي فيك كل العجايب=كل العجايب والمصايب معانيك
الله يكافينا جميع المصايب= وانه يكافينا قشرك وبلاويك
اليوم صار الشر بين القرايب= واقرب قريب ٍ لك طلع مايدانيك
نار النفاق اليوم شبت شبايب=اخوك وابن العم منها يعاديك
ياللي تسمع مهتوين النشايب= سمعك لهم وسط المشاكل يدهويك
أصبر على وقت الفتن والغرايب= واطلب من الله من هل الشر ينجيك
ياشينها لن عود الظن خايب= فصحيبك اللي فيه تكثر هقاويك
كم من شباب ٍ راسه اليوم شايب= من الظلايم جعل ربي يعافيك
راع الحكي معروف ماهوب تايب= اليوم يحكي لك وبكره حكى فيك
طبع المنافق فرصته فا الطلايب = هرجه يجيك بذوق تقول مغليك
يشذب عراقيبك ليا صرت غايب=وانته تحسب أنه رفيق ٍ مصافيك
اخذ النصيحه قبل حط النصايب= عش في حياتك صح وارفع مباديك
وصلاة ربي عد منشى السحايب= على نبي ٍ فكك الشرك تفكيك