فايز الميموني
26-09-2008, 09:33 AM
من دافع العلم الجزيل اقول سلّم ياسلام=واجب علي ابدي مشاعر خاطري وابدابها
لاصار عندي موهبه . واجيد ترتيب الكلام= واجامل الجمل المفيده واستغل اعرابها
لين الحروف اشدها واخلف قوانين النظام=حتى يدان المجرم اللي مايحسب حسابها
يحذف عليه من التهم ويقر في كل اتهام=كله على شان الرجال اللي يود اعجابها
وادرك مرامه حاذين حذوات مدركة المرام=ماقال هذي ماتجي .. ياليت حظي جابها
اكبر هزيمه للرجل .. لاصار داخله انهزام=واصغر هزيمه من يثوّر بندقه بجرابها
واليأس يطوي صاحبه طي الجليب ام المقام=لا شدّو اضعان البدو لتراب غير ترابها
ياموقداً . نار . الكرم . جتك . التحيه . باحترام=يفداك رجلاً مايقول النار ياشبابها
ومن لايقول العز بخشوم البنادق والحزام!=ينقض كلامه لو تدقّه خنجراً بنصابها
والمندفن في حفرته يصعب عليه الانتقام=الارض قبل الحشر لايمكن تثور بمابها
والميّت يزيدك غبن .. والطعن بالمّيت حرام=واهل الجهاد نفوسها تدفن بنفس ثيابها
حتى ذهب {مهد الذهب} مهما نقص كيلو جرام!=الارض لازالت تحمل ولايزال انجابها
والضلع ظاهره السواد وباطنه شف الانام=اللي على شانه تبيع ام اليتيم اقرابها
من ذاق لوعات الزمن . يصعب عليه الانسجام=مثل العسيف اللي عصاها مانست مضرابها
يطري عليها القيد وخباط المطارق والخطام=الواردات الصادرات من العصي تربابها
وتسل مثل المستهيمه يوم يطويها الهيام=واللي يطاولها المرض لابد مايغدابها
وان كان ردّت راسها للغارب وحان الختام=قولو عطايا الله من الفطره تعوج ارقابها
لاصار عندي موهبه . واجيد ترتيب الكلام= واجامل الجمل المفيده واستغل اعرابها
لين الحروف اشدها واخلف قوانين النظام=حتى يدان المجرم اللي مايحسب حسابها
يحذف عليه من التهم ويقر في كل اتهام=كله على شان الرجال اللي يود اعجابها
وادرك مرامه حاذين حذوات مدركة المرام=ماقال هذي ماتجي .. ياليت حظي جابها
اكبر هزيمه للرجل .. لاصار داخله انهزام=واصغر هزيمه من يثوّر بندقه بجرابها
واليأس يطوي صاحبه طي الجليب ام المقام=لا شدّو اضعان البدو لتراب غير ترابها
ياموقداً . نار . الكرم . جتك . التحيه . باحترام=يفداك رجلاً مايقول النار ياشبابها
ومن لايقول العز بخشوم البنادق والحزام!=ينقض كلامه لو تدقّه خنجراً بنصابها
والمندفن في حفرته يصعب عليه الانتقام=الارض قبل الحشر لايمكن تثور بمابها
والميّت يزيدك غبن .. والطعن بالمّيت حرام=واهل الجهاد نفوسها تدفن بنفس ثيابها
حتى ذهب {مهد الذهب} مهما نقص كيلو جرام!=الارض لازالت تحمل ولايزال انجابها
والضلع ظاهره السواد وباطنه شف الانام=اللي على شانه تبيع ام اليتيم اقرابها
من ذاق لوعات الزمن . يصعب عليه الانسجام=مثل العسيف اللي عصاها مانست مضرابها
يطري عليها القيد وخباط المطارق والخطام=الواردات الصادرات من العصي تربابها
وتسل مثل المستهيمه يوم يطويها الهيام=واللي يطاولها المرض لابد مايغدابها
وان كان ردّت راسها للغارب وحان الختام=قولو عطايا الله من الفطره تعوج ارقابها